ପଵିତ୍ର ଗୀତା ଜ୍ଞାନ – ଭାବନା ର ଏପରି ଶକ୍ତି ବିଷୟରେ ଜାଣିରଖନ୍ତୁ ଆପଣ ଯାହା ଚାହିଁବେ ତାହା ଆପଣାକୁ ମିଳିଯିବ – ଏବେ ଜାଣିରଖନ୍ତୁ ଶ୍ରୀକୃଷ୍ଣ ଙ୍କ ଏହି ବାଣୀ..

ଗୀତା ହେଉଛି ଶ୍ରୀକୃଷ୍ଣଙ୍କ ମୁଖ ନିସୃତ ଅମୃତ ବାଣୀ।ଗୀତା ମାନବ ଜୀବନର ସାରବସ୍ତୁ ଅଟେ।ଗୀତା ଜ୍ଞାନ ମାନବ ଜୀବନକୁ କରେ ଯଶସ୍ୱୀ ତଥା ତେଜିୟାନ।ସମସ୍ତ ଦୁଃଖ ଏବଂ ସମସ୍ୟା ସମାଧାନର ପ୍ରମୁଖ ମାଧ୍ୟମ ହେଉଛି ଗୀତା। ଯାହାକି ଶାଶ୍ୱତ ଓ ଚିରନ୍ତନ ଏବଂ ଜ୍ଞାନର ଗନ୍ତାଘର।ଶ୍ରୀକୃଷ୍ଣ ଅର୍ଜୁନଙ୍କ ଅମୂଲ୍ୟ କଥୋପକଥନ ଏଥିରେ ସ୍ପଷ୍ଟ ଭାବରେ ବର୍ଣ୍ଣିତ।ଗୀତାର ଚରମ ମହିମା ଅକଳନୀୟ ତଥା ଅତୁଳନୀୟ। ତେଣୁ କୁହାଯାଇଛି-
“ବୁଝୁ ନବୁଝୁ ପଢ ଗୀତା – ରୁଚୁ ନରୁଚୁ ଖାଅ ପିତା”

ବାସ୍ତବିକ ଏକ କଥା ଅଛି ମନର ଜିତିବାରେ ଜିତ ଓ ମନର ହାରିବାରେ ହାର ହୋଇଥାଏ।ଶରୀର ଠାରୁ ମନର ଶକ୍ତି ଗରିୟାନ ହୋଇଥାଏ। ଏହି ମନର ଶକ୍ତି ଜୀବନକୁ କିପରି ସକାରାତ୍ମକ ଓ ସଫଳ କରିଥାଏ ତାହା ଗୀତାରୁ ଜଣାପଡେ।ଏହା ସମ୍ପର୍କରେ ଏକ କାହାଣୀ ନିମ୍ନରେ ଦିଆ ଯାଇଛି।

ଗୋଟିଏ ସହରରେ ଏକ ଧନୀ ବ୍ୟକ୍ତି ବାସ କରୁଥିଲା।ତାର ଟଙ୍କା ପଇସାରେ କୌଣସି ଅଭାବ ନଥିଲା। ଦିନେ ତାଙ୍କ ଘରକୁ ତାଙ୍କର ଜଣେ ସମ୍ପର୍କୀୟ ଆସିଥିଲେ।ସେ ଧନୀ ବ୍ୟକ୍ତିଙ୍କ ସହିତ ବହୁତ ସମୟ ପର୍ଯ୍ୟନ୍ତ କଥା ହେଲେ। କହୁ କହୁ ସେ ସମ୍ପପର୍କୀୟ ଜଣକ କହିଲେ କି ତାଙ୍କ ସହରରେ ମଧ୍ୟ ଜଣେ ଧନୀ ବ୍ୟକ୍ତି ରହୁଥିଲେ।ତାଙ୍କର ମଧ୍ୟ ଟଙ୍କା ପଇସାରେ କୌଣସି ଅଭାଵ ନଥିଲା।ହେଲେ ଅଚାନକ ତାଙ୍କର ମୃତ୍ୟୁ ହୋଇଗଲା।ଏବଂ ତାଙ୍କ ସମ୍ପତ୍ତି ଭୋଗ କରିବାକୁ କେହି ନଥିଲେ। ତାହା ଅଯଥା ରହିଲା।ଏହା କହି ସମ୍ପର୍କୀୟ ଜଣକ ପଳେଇଲେ।

ସେ ଗଲା ପରେ ଧନୀ ବ୍ୟକ୍ତି ଜଣକ ବହୁତ ଚିନ୍ତା କଲେ।ସେ ଭାବିଲେକି ତାଙ୍କର ଯଦି ଅଚାନକ ମୃତ୍ୟୁ ହୁଏ ତେବେ ତାଙ୍କର ସବୁ ସମ୍ପତ୍ତିର କଣ ହେବ।ତେଣୁ ସେ ସବୁବେଳେ ମୃତ୍ୟୁ ଠାରୁ ମୁକ୍ତି ପାଇବାକୁ ବିଭିନ୍ନ ବ୍ୟାୟାମ କରିବା ସହିତ ସନ୍ତୁଳିତ ଭୋଜନ ଗ୍ରହଣ କଲେ।ତଥାପି ତାଙ୍କ ମନରୁ ମୃତ୍ୟୁର ଭୟ ଦୁରେଇନଥିଲା।

ହଠାତ ଦିନେ ତାଙ୍କର ଦେହ ଭୀଷଣ ଖରାପ ହେଲା। ସହରର ସବୁଲୋକ ତାଙ୍କୁ ଦେଖିବାକୁ ଆସିଲେ।ଦିନେ ଏକ ସାଧୁ ବ୍ୟକ୍ତି ଆସି ତାଙ୍କ ମନରେ ଥିବା ଅସୁବିଧା କଥା ପଚାରିଲେ।ସେ କହିଲେକି ସେ ମୃତ୍ୟୁକୁ ଡରୁଛନ୍ତି। ସେ ଅଚାନକ ମୃତ୍ୟୁ ଚାହାନ୍ତି ନାହିଁ। ତାପରେ ସନ୍ୟାସୀ ତାଙ୍କ କାନରେ ଏକ ମନ୍ତ୍ର କହିଲେ ଓ ତାହାକୁ ସାତ ଦିନ ଜପ କରିବାକୁ କହିଲେ। ସାତ ଦିନ ପରେ ଧନୀ ବ୍ୟକ୍ତି ଜଣକ ବହୁତ ସୁସ୍ଥ ଲାଗୁଥିଲେ।

ସବୁଲୋକ ଓ ସନ୍ନ୍ୟାସୀ ତାଙ୍କୁ ପୁଣି ଦେଖା କରିବାକୁ ଆସିଲେ। ଧନୀ ବ୍ୟକ୍ତି ସନ୍ନ୍ୟାସୀ କହିଥିବା ମନ୍ତ୍ର ବିଷୟରେ କହିଲେ।” ମୋ ନିଜ ମୃତ୍ୟୁ ନ ଆସିବା ପର୍ଯ୍ୟନ୍ତ ମୁଁ ଆନନ୍ଦରେ ବଞ୍ଚିବି।” ଲୋକମାନେ ଜାଣିବାକୁ ପାଇଲେ ଯେ ସନ୍ୟାସୀ କୌଣସି ମନ୍ତ୍ର ନୁହେଁ କେବଳ ଧନୀ ଲୋକର ମନର ବିଶ୍ୱାସକୁ ଦୃଢୀଭୂତ କରି ତାଙ୍କୁ ବଂଚିବା ଶିଖେଇଛନ୍ତି।

ଉପରୋକ୍ତ ଗଳ୍ପରୁ ଆମେ ସ୍ପଷ୍ଟ ଜାଣିଲୁ କି ମନର ଶକ୍ତି ତେଜିୟାନ ହୋଇଥାଏ। ଶ୍ରୀକୃଷ୍ଣ ଗୀତାର ଅଷ୍ଟମ ଅଧ୍ୟାୟର ପଞ୍ଚମ ଶ୍ଳୋକରେ ଏହା ବର୍ଣ୍ଣିତ କରି ଅର୍ଜୁନଙ୍କୁ କହିଛନ୍ତି।ଗୀତା ଜ୍ଞାନ ଆମ ଜୀବନ ପାଇଁ ବହୁତ ଦରକାରୀ ଅଟେ। କାରଣ ମନ ଆମର ସବୁଠୁ ବଡ ମିତ୍ର ହୋଇପାରେ ଓ ସବୁଠୁ ବଡ ଶତ୍ରୁବି ହୋଇଥାଏ। ତେଣୁ ଏହାର ସଂଯମତା ଓ ଉଚିତ ବିଚାର ନିହାତି ଆବଶ୍ୟକ ଅଟେ।ଗୀତା ଜ୍ଞାନକୁ ଅନୁସରଣ କଲେ ଆମ ଜୀବନ ହୋଇପାରିବ ସୁନ୍ଦର ଓ ମଧୁର।